立博体育投注官网

首页 > 报纸波经 > 东方日报>  正文
2020-02-24 本文立博体育投注官网:互联网
欧联搏过龙扑锤乏力
今晚英超独脚戏,「1哥」利物浦主场迎战「锤仔帮」韦斯咸。红军依家喺联赛放到甩辘,捧盃只係时间问题,而且佢哋收放自知,近期锺意静静哋咁赢,加上啱啱喺欧联输波搏得太尽,今仗都係小胜格局,宁捧3.5球嘅入球细。(Now 621周二凌晨4时直播)

「1哥」利物浦喺联赛顺风顺水,今季26场取得25胜1和未输过嘅惊人开局,已远远抛离次席曼城19分,兼且打少1场,形势大好,首夺英超冠军指日可待。不过成季流流长,状态总有高低起伏,主帅高普深明需要懂得留放,并作出适当轮换,自上年年底最后1场联赛开始,近8场联赛赢晒,但当中只有1场攻入对手4粒,其馀都係入1球起、2球止,有7仗总入球皆在3球或以下,可见「红军」一改以往总係激情四射嘅风格,既然一场赢1球有3分,赢10球都係3分,依家更识得闷闷的赢,上仗联赛都係靠沙迪奥文尼末段入波,先以1比0击败包尾大幡诺域治,可见一斑。

利物浦另一成功主因,当然係防守固若金汤,由中坚华基尔云迪积克及门将艾利臣比加领导嘅防线,今季26仗联赛只失15球,所以「红军」只要保持清白之身,前线把握到1至2次机会,赢波3分便手到拿来,根本毋须场场大炒。

韦斯咸状态曳输少当赢
仍喺下游挣扎嘅韦斯咸,上周中补赛作客曼城淨吞2蛋,近7战只得2和5负,状态奇差,包括上月底主场以0比2输畀「红军」,就算想抢分护级亦有心无力,只求输少当赢,尽量减少失波。由于利物浦上周中欧联16强首回合不敌马体会0比1,体力消耗唔小,队长佐敦轩达臣仲伤埋,加上佢哋仍想打破阿仙奴所保持嘅49场英超不败纪录,相信今仗志在小胜擸3分,主W冇肉食,转捧3.5球嘅入球细更上算。